როგორ ვაყენებთ ხვანჭკარას: კახა გორდეზიანი ილიკო კილაძესთან ერთად

09 ნოემბერი, 2020წ

გაზიარება

როგორ ვაყენებთ ხვანჭკარას: კახა გორდეზიანი ილიკო კილაძესთან ერთად

როგორ ვაყენებთ ხვანჭკარას: კახა გორდეზიანი ილიკო კილაძესთან ერთად

ამჯერად გადაცემის “ყველაფერი ღვინოზე ანა გოდაბრელიძესთან ერთად” ფარგლებში ილიკო კილაძემ რაჭველი კოლორიტი, კახა გორდეზიანი მოინახულა. სტუმრის და მასპინძლის მთავარი სასაუბრო თემები ღვინო ხვანჭკარა და რაჭული რთველი გახლდათ. როგორც ბატონმა კახამ განმარტა, რთველი რაჭაში ოქტომბრის დასაწყისიდან იღებს სტარტს და წელსაც ის 10 ოქტომბრიდან დაიწყო, ხოლო მოსავალი ამჯერად საშუალოზე უკეთესი იყო, რაც აუცილებელი წინაპირობაა საიმისოდ, რათა ღვინო ხვანჭკარა დამზადდეს. მისივე განმარტებით, ხვანჭკარა მზადდება ალექსანდროულის და მუჯურეთულის ჯიშებისგან. აქედან მუჯურეთულზე ღვინოში მოდის 30-40 %, ხოლო ალექსანდროულზე - 60-70 %.

ალექსანდროული მრგვალმარცვლიანია, ხოლო მუჯურეთული - შედარებით მოგრძო მარცვლის მქონე. რთველის დასაწყებად საჭიროა შაქრიანობის და მჟავიანობის ოპტიმალური ბალანსი. ამის გასასინჯად როგორც წესი საველე რეფრაქტომეტრს იყენებენ, ხოლო ვიზუალურად რთველის დაწყების აუცილებლობაზე კლერტის გამუქება მიანიშნებს.

რა არის ბუნებრივად ნახევრად ტკბილი ღვინო? როგორ მზადდება ის?

ბუნებრივად ნახევრად ტკბილი ღვინის დასამზადებლად მევენახის და მეღვინის სიტყვებით აუცილებელია მაღალშაქრიანი ყურძნის არსებობა, რის პირობებსაც რაჭული კლიმატური პირობები ქმნის. მსგავს პირობებში ალექსანდროულის და მუჯურეთულის ყურძენი 25-26 გრადუს შაქრიანობას აგროვებს, რაც ოპტიმალურია ნახევრად ტკბილი ღვინოების დასამზადებლად. მზიანი ფერდობები - ეს არის ლანდშაფტი, რაც რაჭას ახასიათებს და რაც ადგილობრივ ყურძენს ძალიან სჭირდება.

ასევე დაგაინტერესებთ: რამდენი საწნახელი შეიძლება ჰქონდეს რაჭულ მარანს? - ამ კითხვაზე პასუხს ანა გოდაბრელიძის ახალ გადაცემაში იპოვით

მოგვიანებით საუბარი კახა გორდეზიანის ღვინის საწარმოში გაგრძელდა. ილიკო კილაძე დაინტერესდა, იყენებდა თუ არა მისი მასპინძელი საფუარს, ენზიმებს და გოგირდს ღვინის დამზადების პროცესში. კახა გორდეზიანმა მას უპასუხა, რომ ყურძნის შემოსვლის შემდეგ თავდაპირველად დახარისხება შაქრიანობის მიხედვით ხდება. გაირკვა, რომ საწარმო ძირითადად ნახევრად ტკბილ ხვანჭკარას ამზადებს, რისთვისაც ყველაზე ტკბილი ყურძენი გამოიყენება. დაბალი შაქრიანობის მქონე ყურძენი მშრალი ღვინოების დასამზადებლად მიდის. რაჭველი მეღვინის თქმით, ის იყენებს საფუარს, გოგირდს და ენზიმებს. საფუარი ყურძნისეული არომატების შენარჩუნებას უწყობს ხელს, რა დროსაც წვენის ფერმენტაცია უჟანგავი ფოლადის რეზერვუარებში კლერტის გარეშე მიმდინარეობს. ეს პროცესი დაახლოებით ერთი კვირა გრძელდება, რის შემდეგაც, 25 გრადუს ტემპერატურაზე ღვინო მზადდება. შემდეგ სითხეს ნული გრადუსის ფარგლებში აციებენ, რათა მან სიტკბო შეინარჩუნოს. ბოლო ეტაპი მიკრონული ფილტრებით ღვინის ჩამოსხმაა, რის შემდეგაც სასმელი დაზღვეულია იმისგან, რომ ბოთლში ღვინო დუღილს დაიწყებს.

ასევე დაგაინტერესებთ: უნგრული ოჯახი, რომელიც ღვინოს ტრადიციული ქართული მეთოდით ამზადებს

შეგახსენებთ, რომ გადაცემა “ყველაფერი ღვინოზე ანა გოდაბრელიძესთან ერთად” 26 სექტემბრიდან ყოველ შაბათს, დღის 12-საათიანი “კურიერის” დასრულების შემდეგ გადის “რუსთავი 2”-ის ეთერში. მისი მედიაპარტნიორი Allwine.ge გახლავთ. გადაცემას საინფორმაციო, სახალისო, შემეცნებითი და საგანმანათლებლო ხასიათი აქვს და მეღვინეობა-მევენახეობის სფეროს მოიცავს.

დავით ჩუთლაშვილი

 

ასევე დაგაინტერესებთ:

ანა გოდაბრელიძე რაჭაში დვალების საოჯახო მარანს ესტუმრა და იქაური ღვინოები დააგემოვნა

ანა გოდაბრელიძე თავის მორიგ გადაცემაში კომპანია “მუკადო ვაინის” მფლობელს გაესაუბრა

საფუარი, ენზიმები, აქტივატორი, გოგირდი - ანა გოდაბრელიძემ და მიშა მესხმა ღვინის დამზადების ტექნოლოგიაზე ისაუბრეს

პოპულარული ღვინოები

20.44
კახური წარჩინებული

კახური წარჩინებული

15
მუკუზანი

მუკუზანი

წითელი მშრალი

37.76
საფერავი

საფერავი

წითელი მშრალი