რატომ უნდა შევანჯღრიოთ ღვინო, როგორ დავიჭიროთ ღვინის ბოკალი სწორად და დეგუსტაციის სხვა საიდუმლოებები

15 ოქტომბერი, 2018წ

გაზიარება

რატომ უნდა შევანჯღრიოთ ღვინო, როგორ დავიჭიროთ ღვინის ბოკალი სწორად და დეგუსტაციის სხვა საიდუმლოებები

რატომ უნდა შევანჯღრიოთ ღვინო, როგორ დავიჭიროთ ღვინის ბოკალი სწორად და დეგუსტაციის სხვა საიდუმლოებები

ღვინის მოყვარულ ყველა ადამიანს ცხადია, არ მოეთხვება, კარგად ერკვეოდეს ღვინის დეგუსტაციის წესებსა და ხერხებში. თუმცა, სასურველია, დეგუტაციის წესები ყველამ იმ დონეზე ვიცოდეთ, რომ ღვინის სწორად დაგემოვნება შევძლოთ. ამგვარად მირთმეული ღვინო უფრო მეტად სასიამოვნოც იქნება და ღვინოსთან ჩვენი ურთიერთობაც ბევრად კარგ შედეგს მოიტანს.

           

სომელიეების აზრით, დეგუსტაციისთვის კარგი წინაპირობაა, რომ ვიზუალური უნარები სათანადოდ გქონდეთ განვითარებული. პროფესიონალი სომილიეს შემთხვევაში, ამას ემატება ისეთი აუცილებელი თვისებების ქონა, როგორებიცაა: მოთმინების უნარი, დაკვირვებულობა, სათანადო წარმოსახვა და რაც მთავარია - მეხსიერება. რასაკვირველია, ამ უნარების განვითარება ხელოვნურადაც შესაძლებელია, მაგრამ თუ ყნოსვისა და გემოს აპარატი საშუალოზე ცუდად რეაგირებენ გარეგან გამაღიზიანებელზე, მხედველობა და ფერთა გრადაციის გარჩევის უნარი კი დაქვეითებულია, ეს ღვინის დეგუსტირების პროცესზე არცთუ კარგად აისახება.

სანამ დეგუსტაციას დაიწყებთ, პირველ რიგში, უნდა იცოდეთ ,რომ აუცილებელია სწორი გარემოს შერჩევა. ღვინის ჭაშნიკისთვის იდეალურია სუფთა, მშვიდი, კარგად განიავებული ოთახი, სადაც ტემპერატურა დაახლოებით 19-დან 22 გრადუსამდე მერყეობს და ჰაერის ტენიანობა 70%-ს არ აღემატება. იდეალურია, თუ იქნება დღის, ბუნებრივი განათება და თეთრ ფერში გადაწყვეტილი ინტერიერი. ღვინისაგან მიღებულ შთაბეჭდილებაზე არსებით გავლენას ახდენს დროც - მისი გასინჯვა ჯობია 10.00 - 12.00 და 17.00 - 19.00 საათებში. დღის ამ მონაკვეთებში ადამიანი როგორც წესი მშიერია და მისი გრძნობის ორგანოები ყველაზე კარგად სწორედ მაშინ ფუნქციონირებს.

დეგუსტაციისთვის ცხადია, ძალიან მნიშვნელოვანი ატრიბუტია ღვინის ფუჟერი (ბოკალი). გარდა იმისა, რომ ფუჟერი იდეალურად სუფთა უნდა იყოს, ასევე უნდა შეესაბამებოდეს იმ ღვინის ტიპს, რომლის დაგემოვნებასაც ვაპირებთ. დეგუსტაციისთვის იდეალური და უნივერსალური ტიტას ფორმის ბოკალია, რომელიც ზემოთ მხარეს ოდნავ ვიწროვდება, რაც ხელს უშლის არომატის სწრაფ დიფუზიას ჭურჭლიდან. შუშხუნა ღვინის შემთხვევაში ეს წესი ნაკლებად მოქმედებს, სწორედ ამიტომ მას ვიწრო და გრძელი ჭიქებით მიირთმევენ. შამპანურით თითქმის მთლიანი ბოკალის ავსებაც შეიძლება,  ღვინის შემთხვევაში კი მხოლოდ ერთი მესამედის რაოდენობაა რეკომენდებული. სხვაგვარად დალევამდე ღვინის შენჯღრევა შეუძლებელი გახდება, რაც დეგუსტაციის დროს ერთ-ერთი მთავარი მომენტია.

ღვინის ბოკალთან დაკავშირებით არსებობს კიდევ ერთი დეტალი, რომლის მიხედვითაც უბრალო საქმეა პროფესიონალის გარჩევა ღვინის უცოდინარი ადამიანისგან. ეს არის ბოკალის ხელში დაჭერის მანერა. თუ გსურთ, რომ ღვინომ გემო არ შეიცვალოს და მთლიანად გამოამჟღავნოს თავისი თვისებები, ბოკალი ფეხით უნდა გეჭიროთ და არავითარ შემთხვევაში არ დაუშვათ კონტაქტი მის მუცელთან. ამ შემთხვევაში თავიდან აიცილებთ ღვინის გათბობას.

სასმელის ტემპერატურა მისი დეგუსტაციისას ერთ-ერთი გადამწყვეტი ფაქტორია. მაგალითისთვის, ოდნავ თბილი წითელი ღვინო უფრო სასიამოვნო დასალევია, ტანინიც მეტად იგრძნობა, თან უფრო ხორციანის შთაბეჭდილებას ტოვებს. 10 გრადუსზე სიმჟავე იკვეთება, 15-ზე ღვინო უფრო სასიამოვნო გემოს იძენს, 18-ზე მეტად ძველი ჩანს, ვიდრე სინამდვილეშია, 20 გრადუსზე კი უკვე უსიამოვნო, დასალევად უვარგისი ხდება. ოპტიმალური ტემპერატურა სხვადასხვა ღვინოებისთვის სხვადასხვანაირია.

ლევან სეფისკვერაძე

პოპულარული ღვინოები

8
ალაზნის ველი თეთრი

ალაზნის ველი თეთრი

27.9
ცოლიკოური

ცოლიკოური

თეთრი მშრალი

18.75
ოცხანური საფერე

ოცხანური საფერე

წითელი მშრალი

13
ბოთლის ტუჩი CRYSTAL (შავი)

ბოთლის ტუჩი CRYSTAL (შავი)