ყვარელში ღვინის ახალი საწარმო გაიხსნა

30 აგვისტო, 2018წ

გაზიარება

ყვარელში ღვინის ახალი საწარმო გაიხსნა

ყვარელში ღვინის ახალი საწარმო გაიხსნა

ბოლო პერიოდში საქართველოში ღვინის არაერთი ახალი მცირე მარანი თუ დიდი საწარმო შეიქმნა. ამის ერთ-ერთი მთავარი მიზეზი ქართული ღვინის ექსპორტის განუხრელი ზრდაა. ამ კარგი ტენდენციის გაგრძელებაა ის, რომ "ერთიანი აგროპროექტის“ ფარგლებში კახეთში, ყვარლის მუნიციპალიტეტის სოფელ შილდაში, ღვინის ახალი საწარმო "აგრიდა“ გაიხსნა. ახალი საწარმოს გახსნას, ადგილობრივი ხელისუფლების წარმომადგენლებთან ერთად, ღვინის ეროვნული სააგენტოს თავმჯდომარის მოვალეობის შემსრულებელი ანდრო ასლანიშვილი დაესწრო.

გაზრდილი ღვინის ექსპორტი და დივესრიფიცირებული ბაზრები, საქართველოში ახალი ღვინის საწარმოების შექმნის საფუძველს ქმნის. ამ დროისთვის, საქართველოში 500-მდე ღვინის კომპანიაა, რომელთაგან 250-ს ღვინო ექსპორტზე გააქვს. სახელმწიფოს ხელშეწყობით, მევენახეობა-მეღვინეობის დარგი გაძლიერებულია და აღარ საჭიროებს სუბსიდიის ფორმით მხარდაჭერას. მისასალმებელია, რომ კიდევ ერთი ღვინის საწარმო გაიხსნა, რომელიც მიმდინარე რთველის პროცესში ჩართვას და მოსახლეობისგან ყურძნის შესყიდვას გეგმავს“, - აღნიშნა ანდრო ასლანიშვილმა.

"აგრიდას“ ხელმძღვანელის, გურამ მინდიაშვილს ინფორმაციით, საწარმოო მიმდინარე წლის რთველის პროცესში ჩაერთვება და გადაამუშავებს როგორც საკუთარი ვენახებიდან მოწეულ, ასევე მოსახლეობისგან ჩაბარებულ ყურძენს. "აგრიდა“ ფლობს 23 ჰექტარ ვენახს, გეგმავს როგორც ქვევრში დაყენებული, ისე კლასიკური მეთოდით დამზადებული ღვინოების წარმოებას. მისი წარმადობა წელიწადში 1,5 მლნ ბოთლია. ღვინო გაიყიდება როგორც ადგილობრივ ბაზარზე, ისე ექსპორტზე. საწარმოში სეზონურად 50-მდე ადამიანი დასაქმდება, იგეგმება ღვინის ტურიზმის განვითარება.

საწარმო "აგრიდა“ შეიქმნა შეღავათიანი აგროკრედიტის პროექტის ფარგლებში, რომლის ღირებულებამ 1,2 მლნ ლარი შეადგინა.
"ერთიანი აგროპროექტის“ ფარგლებში ამ დროისთვის დაფინანსებულია და დამატებით ფუნქციონირებს 28 ახალი ღვინის საწარმო, გაფართოებულია 64 ღვინის საწარმო.

პოპულარული ღვინოები

24.95
რქაწითელი წარაფი

რქაწითელი წარაფი

თეთრი მშრალი

18.95
მუკუზანი

მუკუზანი

წითელი მშრალი